02:42 Վիրտուալ սեքսի ՛՛մութ՛՛ կողմերը |
Հոգեթերապևտ, սեքսոպատոլոգ Մարատ Զաքարյանը լրիվ անմտություն է համարում վիրտուալ սերը և վիրտուալ սեռական հարաբերությունները: »Մարդիկ պետք է սիրեն մարդավարի, կենդանիները կենդանիների նման են սիրում ,մարդիկ մարդկանց նման` շոշափել, զգալ, համբուրելն է դա, սեռական ակտը , հայացքները և այլն»,-Henaran.am-ի հետ զրուցում ասաց Զաքարյանը: Նա նշեց, որ վերջին տարիներին համացանցի զարգացման, սոցիալական կայքերի տարածմանը զուգահեռ շատերն են իրական կյանքից տեղափոխվել վիրտուալ աշխարհ` այնտեղ տանելով նաև իրենզ զգացմունքներն ու սեռական հակումները: Սակայն Զաքարյանի խոսքով` վիրտուալ սեռական հարաբերությունները բավական մեծ վնաս կարող են պատճառել մարդուն: »Երբ որ նրանք ապրում են իրական սեռական կյանքով, նրանց մոտ մարում է ցանկությունը, այն կիրքը, սերը, ցանկությունը չեն առաջանում մարդկանց մոտ»,-նշեց նա: Բացի այդ դա կարող է ազդել նաև նյարդային համակարգի, անձի հոգեբանության վրա, ինչն էլ իր հերթին հնարավոր է բերի նևրոզի: »Կա նաև բեղմնավորման հարցը, որը շատ կարևոր հարց է: Եթե վիրտուալ սիրով զբաղվենք, կեսն էլ Հայաստանից թողել, փախել, գնացել են, մարդ չմնաց, որ սիրով զբաղվեն, ծնելիությունն էլ է իջնում»,-նկատեց Զաքարյանը: Ինչ վերաբերում է երիտասարդներին, ապա մասնագետը շեշտեց, որ այն երիտասարդներն, ովքեր բարդույթավորված են և չեն կարողանում գտնել իրենզ զուգնըկերոջը, դա անում են համացանցի միջոցով, ապա հետո երբ գտնում են իրական կյանքում, լուրջ խնդիրներ են առաջանում: |
|
|
| Всего комментариев: 0 | |